AIOU Admission Spring 2026 | Matric, FA, I.Com & BS Programs - Apply Online & Last Date
Allama Iqbal Open University (AIOU) ne saal 2026 ke pehle semester (Spring 2026) ke Admissions ka baqaida aghaz kar diya hai. Wo tamam Students jo ghar baith kar apni taleem jari rakhna chahte hain, un ke liye ye sunehri moqa hai. AIOU Pakistan ki sab se bari University hai jo "Distance Learning" ke zariye Matric se lekar PHD tak ki degrees karwati hai.
Is article mein hum aap ko AIOU Spring 2026 Admission ki mukammal tafseelat, Fee structure, aur Online Apply karne ka step-by-step tariqa batayenge.
1. AIOU Admissions Spring 2026: Overview
- AIOU saal mein do baar admissions kholti hai: Spring (Bahar) aur Autumn (Khizaan). Abhi Spring 2026 ka session shuru ho chuka hai. University ne is baar admissions ko 2 Phases mein taqseem kiya hai taake students ko apply karne mein aasani ho.
2. Important Dates & Schedule (Zaroori Tawaareekh)
Niche di gayi table mein Phase 1 aur Phase 2 ki tafseelat darj hain:
Student Category Programs Last Date (Official) Fresh Students (Phase 1) Matric, FA, I.Com 10 February 2026 Continuing Students All Programs (Sabiqa Tulba) 17 February 2026 Higher Education MS, MPhil & PhD Programs 17 February 2026 BS, B.Ed, AD Programs Phase 2 (Fresh Students) Expected March 2026
3. Programs Offered in Spring 2026 (Phase 1)
Agar aap ki taleem kisi wajah se ruk gayi thi, to ab aap dobara shuru kar sakte hain. Phase 1 mein darj-zail programs shamil hain:
- Matriculation (SSC): General Science, Dars-e-Nizami (Sanvia Aama), aur Open Courses.
- Intermediate (HSSC): FA General, I.Com (Commerce), aur FA Dars-e-Nizami.
- Certificate Courses: 6 Months ke short courses (Technical & Vocational).
- Middle Tech: Un bachon ke liye jo technical hunar seekhna chahte hain.
4. AIOU Fee Structure 2026 (Estimated)
Boht se students fee ke bare mein pareshan hote hain. AIOU ki fees baqi universities ke muqable mein boht kam hoti hain.
- Matric (Full Semester): Taqreeban 3,000 se 4,500 PKR.
- FA / I.Com (Full Semester): Taqreeban 4,000 se 6,000 PKR.
- BS Programs: Taqreeban 15,000 se 22,000 PKR (Per Semester).
- Note: Admission fee aur Registration fee pehli baar alag se lagti hai.
5. Eligibility Criteria (Kaun Apply Kar Sakta Hai?)
Apply karne se pehle apni ahliyat (eligibility) zaroor check karein:
- Matric ke liye: Middle pass certificate hona zaroori hai. (Agar middle pass nahi hai to AIOU ka entry test dena hoga).
- FA / I.Com ke liye: Matric (SSC) pass hona lazmi hai.
- BS Programs ke liye: FA/FSc mein kam az kam 45% marks hone chahiye.
🔥 Hamari Top 5 Trending Updates (Must Read)
- Punjab Police Jobs 2026: Agar aap Police mein SSA ya PSA bharti hona chahte hain, to
. Yahan Click Kar ke Apply Karein - Sindh EV Scooty Scheme: Khawateen ke liye muft electric scooty ki registration shuru ho chuki hai.
. Apna Naam Yahan Register Karein - BISP 13500 Payment: January 2026 ki nayi qist check karne ka asaan tarika.
. Abhi 8171 Check Karein - CM Laptop Scheme 2026: Kya aapka naam Merit List mein hai?
. Yahan List Check Karein - Apni Chat Apna Ghar: Punjab hukumat ke saste gharon aur plots ki mukammal tafseel.
. Yahan se Maloomat Lein
6. How to Apply Online for AIOU Admission 2026
Ab AIOU ne manual forms khatam kar diye hain. Aap ko sirf Online Portal (OAS) ke zariye apply karna hoga. Niche diye gaye tariqe par amal karein:
Step 1: Create Account
- Sab se pehle AIOU ki official website fmbp.aiou.edu.pk ya aiou.edu.pk par jayein aur "Admission (OAS)" par click karein. Wahan apna Account banayein (Apna Email address aur Mobile number istemal karein).
Step 2: Fill Application Form
Login karne ke baad, "Apply for New Program" par click karein.
- Apna Program select karein (Matric/FA etc).
- Apni zaati maloomat (Naam, Walid ka naam, CNIC/B-Form) likhein.
- Apna address bilkul theek likhein kyunke isi pate par aap ki Books (Kitabein) aayengi.
Step 3: Upload Documents
- Apni tasveer aur pichli degrees ki scanned copies upload karein. (Tasveer ka background blue ya white hona chahiye).
Step 4: Generate Challan
- Jab form pura ho jaye, to "Submit" par click karein aur apna Fee Challan download karein.
7. Fee Payment Methods (Fees Kaise Jama Karwayein?)
Ab bank ki lambi line mein lagne ki zaroorat nahi. Aap ghar baith kar fees jama karwa sakte hain:
- JazzCash / EasyPaisa: App khol kar "Education" select karein, "AIOU" Dhundhein aur apna Challan Number likh kar pay kar dein.
- Banking Apps: HBL, UBL, MCB ki mobile apps se bhi fee ada ho sakti hai.
- Manual Bank Deposit: Agar aap bank jana chahte hain to ABL, MCB, UBL, ya FWBL ki kisi bhi branch mein cash jama karwa sakte hain.
8. Required Documents (Zaroori Kaghazat)
Apply karte waqt ye cheezein apne paas scan shuda halat mein rakhein:
- Student ki taza tareen passport size tasveer.
- CNIC ya B-Form ki copy.
- Walid ke CNIC ki copy.
- Pichli tamam classes (Matric/Middle) ke Result Cards.
- Domicile (Agar maanga jaye).
9. Books aur Tutors Ki Maloomat
- Admission confirm hone ke baad, AIOU taqreeban 45 se 60 din ke andar aap ke diye gaye pate par kitabein bhej deta hai. Is ke ilawa aap ka aik Tutor (Ustad) muqarrar kiya jata hai jisay aap ne apni assignments bhejni hoti hain. Aap apne Tutor ka naam aur number AIOU ki website par "Tutor Search" mein ja kar check kar sakenge.
10. Frequently Asked Questions (FAQs)
- Sawal 1: Kya main admission form manually submit karwa sakta hoon?
- Jawab: Nahi, ab sirf Online admission hi qabool kiye jate hain. Prospectus sale points ab khatam ho chuke hain.
- Sawal 2: Admission confirm hone mein kitna waqt lagta hai?
- Jawab: Fee jama karwane ke baad taqreeban 1 mahina lagta hai confirmation message aane mein. Aap website par status check kar sakte hain.
- Sawal 3: Kya Phase 2 mein BS admission khulega?
- Jawab: Ji haan, BS (4 Years), Associate Degree (BA/B.Com replacement) aur B.Ed ke admissions March 2026 mein shuru honge.
- Sawal 4: Agar Books na milein to kya karein?
- Jawab: Agar 2 mahine tak kitabein na aayen, to aap AIOU ki website se "Soft Books" (PDF) download kar ke apni assignments bana sakte hain.
- Agar koi bi Sawal poochna ho to app Comment Box mein likh sakte hain.
Khas Mashwara (Pro Tip)
- Mashwara: Jab aap online form fill karein, to apna Mobile Number wo likhein jo convert na ho (yani Jazz ka number Telenor par convert na ho). Convert shuda number par AIOU ka SMS nahi aata aur students pareshan rehte hain. Hamesha apna asli network wala number dein.