CM Punjab Kissan Card 2026 (Phase-II): 3 Lakh Karza, Nayi Ahliat aur Online Apply
Punjab Hukumat ne Kissan Card ka Phase-II shuru kar diya hai. Chief Minister Maryam Nawaz Sharif ne kisanon ki mushkilaat ko dekhte hue karzay ki had barha di hai aur apply karne ka tariqa mazeed asan kar diya hai. Agar aap aik kisan hain, to yeh card aap ki kheti bari mein bari tabdeeli la sakta hai.
1. Kissan Card Phase-II: Naye Updates (2026)
Hukumat ne Phase-II mein darj-zail bari tabdeeliyaan ki hain:
- Karzay ki Had (Loan Limit): Pehle loan ki had 1.5 lakh thi, jisay ab barha kar Rs. 3 Lakh per season kar diya gaya hai.
- Zameen ki Had (Land Eligibility): Pehle sirf 12.5 acre tak ke kisan ahal thay, Ab 25 Acre tak ki arazi wale malikan bhi apply kar sakte hain.
- Cards ki Tadaad: Hadaf 5 lakh se barha kar 7.5 Lakh Farmers tak kar diya gaya hai.
- JazzCash Facility: Karzay ki qist wapis karne ke liye ab bank janay ki zaroorat nahi, aap JazzCash ke zariye bhi repayment kar sakte hain.
Ab kisan card ka paisa sirf khad tak mehdood nahi, balkay isay 3 Hisson mein taqseem kiya gaya hai:
- 30% Cash (Naqad): Mazdoori aur digar khet ke ikharaajat ke liye aap cash nikalwa sakte hain.
- 20-25% Diesel: Pehli baar, ab aap PSO Petrol Pumps se is card ke zariye diesel bhi khareed sakte hain.
- 50% Inputs: Baqi raqam se aap registered dealers se behtareen Khad (Fertilizer), Beej (Seeds) aur Spray khareed sakte hain.
3. Ahliat (Eligibility Criteria) 2026
- Zameen: 1 se 25 acre tak ke kisan.
- Mobile SIM: Aap ke apne CNIC par register honi chahiye (PMD Verified).
- Land Record: Zameen ka record PLRA (Punjab Land Record Authority) mein mojood hona lazmi hai.
- NADRA Verification: Aap ka CNIC valid hona chahiye.
4. Online Apply aur Registration ka Tariqa
Phase-II mein dakhil hone ke liye apply karne ka tariqa wahi asan SMS wala hai:
- SMS bhein: Apne mobile se likhein PKC <space> Apna CNIC Number (Bina dashes ke).
- Bhejein: Is message ko 8070 par send kar dein.
- Tasdeeq: Kuch dinon mein aap ko verification ka SMS miley ga.
- Card Collection: Verification ke baad apna card qareebi Bank of Punjab (BOP) ki branch se hasil karein.
- Zaroori Baat: Phase-I ke karz ki wapsi ki deadline 15 January 2026 thi. Jin kisanon ne purana karza wapis kar diya hai, wo foran Phase-II ke liye ahal ho jayenge.
🌟 Latest Government Schemes & Scholarships (Don't Miss!)
- 💳 Honhaar Student Card 2026 Students ke liye Laptop, Solar Scheme aur muft safar ki bari saholat. Online apply aur card hasil karne ka mukammal tariqa yahan dekhein: 👉
Get Your Honhaar Student Card Now - ♿ CM Punjab Himmat Card (10,500 Payment) Special persons ke liye Rs. 10,500 ki nayi kist jari kar di gayi hai. Apni eligibility aur payment status online check karein: 👉
Check Himmat Card Payment Status - 🎓 PEEF Matric & Inter Scholarship Matric aur Intermediate ke talaba ke liye Outreach aur Special Quota scholarships ka elan. Apply karne ki mukammal guide: 👉
Apply for Matric/Inter Scholarship 2026 - 📚 PEEF Master Level Scholarship Punjab Educational Endowment Fund (PEEF) ki taraf se Master level ke students ke liye baray wazaif. Online form yahan se download karein: 👉
PEEF Master Level Apply Guide - 👮 Punjab Police Jobs 2026 Punjab Police: mein SSA aur PSA ki latest bhartiyan shuru ho chuki hain. Matric aur Intermediate pass umeedwar online apply kar sakte hain: 👉
Punjab Police Jobs Apply Online - 🏠 CM Punjab Apni Chat Apna Ghar Apna ghar: banany ke liye bila-sood karzay (Interest-free loans) aur plots ki scheme ki registration jari hai. Form bharne ka tariqa yahan dekhein: 👉
Apni Chat Apna Ghar Online Registration - 💰 Ehsaas/BISP 8171: New Payment BISP ki taraf se 13,500 ki nayi kist ka aghaz ho chuka hai. Ghar bethy apni eligibility aur paisay check karne ka mukammal tariqa yahan dekhein: 👉
8171 Online Check 13,500 Payment Guide
5. Registered Dealers aur District List
Punjab bhar ke tamam baray shehron mein dealers maujood hain:
- Shehar: Attock, Kasur, Okara, Lahore, Gujranwala, Multan, Faisalabad, Sargodha, Bahawalpur, Rahim Yar Khan aur digar tamam districts (Total 36+ districts).
- PSO Pumps: Poore Punjab mein hazaron PSO pumps is card ko Accept kar rahe hain.
- Click Here To Download PSO Deployment
Aksar Puche Jane Wale Sawal (6/6 FAQs)
- Sawal 1: Kya Phase-II mein 3 lakh karza sab ko miley ga?
- Jawab: Ji han, jo kisan criteria (25 Acre Tak) par poora utartay hain aur purana karza wapis kar chuke hain, wo 3 Lakh tak ke liye ahal hain.
- Sawal 2: JazzCash se karza wapis kaise karein?
- Jawab: JazzCash App mein "Govt Payments" ya "Loan Repayment" ke option mein ja kar Kissan Card ka intekhab karein aur raqam ada karein.
- Sawal 3: Agar zameen 25 acre se zyada ho to?
- Jawab: Filhal yeh scheme sirf 25 Acre tak ke kisanon ke liye hai. Mazeed baray kisanon ke liye alag programs tajweez kiye ja rahe hain.
- Sawal 4: Card ki validity kitni hai?
- Jawab: Aik card har season (6 Mahine) ke liye valid hota hai, jisay har bar renew kiya ja sakta hai.
- Sawal 5: Kya diesel har pump se mil jaye ga?
- Jawab: Nahi, sirf un PSO Petrol Pumps se miley ga jo Punjab Agriculture Department ke sath registered hain.
- Sawal 6: SMS bhejne ke baad kitne din baad card milta hai?
- Jawab: Verification mein 10 se 15 Din lagte hain, us ke baad Bank se Card milne ki itla milti hai.
- Agar koi bi Sawal poochna ho to app Comment Box mein likh sakte hain.
Mashwara (Young vs Elder Farmers)
Young Kisanon ke liye:
- Aap Digital Technology se Waqif hain, is liye koshish karein ke Bank of Punjab (BOP) ki Mobile App lazmi download karein. Is se aap apne Kharche aur JazzCash ke zariye wapsi ko khud manage kar sakte hain aur Agents ke Chakkar se bach sakte hain.
Buzurg Kisanon ke liye:
- Hamare Buzurg Kisanon ke liye mashwara hai ke woh SMS bhejne ke baad sirf apne qareebi Zarayee Markaz (Agriculture Extension Office) ya AC Office se rabta karein. Wahan maujood 'Agriculture Officer' aap ki har mumkin madad karega. Kisi Anjaan bande ko Apna CNIC ya card ka PIN Code hargiz na dein.